الأخبار العاجلة
- الجمعة, 10 مايو 2024
-
رئيس مجلس الإدارة و التحرير
خالد حسين البيومى
حد فيكم سمع عن قصر النيل قبل كدة ؟!
لا مقصدش كوبري قصر النيل ..
أنا بقصد قصر النيل نفسه ..
هو دا بقي قصر النيل اللي أنا بقصده
اتبني علي شاطئ النيل في القاهرة في عهد محمد سعيد باشا و عشان كدة أطلق عليه اسم قصر النيل ..
تم تحويله الي مقر لثكنات الجيش المصري في القاهرة بعد وفاة محمد سعيد باشا ؛ و في سنة ١٨٦٩ تقرر إنشاء كوبري بجوار القصر يربط بين القاهرة و جزيرة الزمالك
فالمصريين اطلقوا عليه اسم كوبري قصر النيل ..
و في سنة ١٩٣١ تم هدم كوبري قصر النيل و إعادة بناءه من جديد بعد تصميمه بشكل أكثر اتساعا و متانة و قرر الملك فؤاد أنه يطلق عليه اسم كوبري الخديوي اسماعيل ؛ لكن المصريين فضلوا نفس التسمية القديمة و هي كوبري قصر النيل ..
و في سنة ١٩٥٤ تقرر هدم مبني ثكنات قصر النيل و انشاء فندق النيل هيلتون و كورنيش النيل بدلا منه ..
و برغم أن قصر النيل ملوش اي وجود حاليا الا ان الكوبري لسة محتفظ باسمه اللي أطلقه عليه المصريين من حوالي ١٥٠ سنة ..
الصورة لقصر النيل في القاهرة سنة ١٨٦٣ .
اترك تعليقك